India Team Manager turin Mizopa

11th October, 2017

Khawvel huap Badminton inelna hrang hrang pathum tun October thla awm tur ah India Team Manager tura ruat zingah Mizoram Badminton Association Honorary Secretary Pu H. Lalnunsiama chu ruat a nih ve angin vawiin dt. 11.10.2017 hian India a chhuahsan ang. Heng inelna hrang hrang hi Badminton World Federation (BWF) Programme niin heng tournament hrang hrang :

  1. Yonex Dutch Open 2017, BWF Grand Prix (10-15 Ocotober, 2017) at Almere, Netherland
  2. Danisa Denmark Open 2017, BWF World Super Series Premier (17-22 Oct., 2017) at Odense, Denmark
  3. Yonex French Open 2017, BWF Super Series (24-29 Oct. 2017) at Paris, France

ah te hian India Team Manager ni turin a kal dawn a ni.

Pu Mama hian Visa buaipui in New Delhi ah hun a hman hnuin vawiin lam khan Visa tifelin vawiin vek hian Netherland lam a pan nghal dawn a ni.

Heng Tournament hrang hrang hi Senior Open vek a ni a, India ram atang pawhin India Shuttlers tha PV Sindhu, Srikanth,Ashiwni Ponnappa, Manu Attri, Sumeeth Redy, Chirag Shetty te pawh an tel dawn a ni. Heng Tournament-a India Shuttlers te enkawl tur hian India Chief National Coach Gopichand pawh a kal ve dawn bawk a ni. Heng tournament hrang hranga India Team enkawl tur Manager zinga MBA mi leh sa an tel hi MBA chhuan a chhuang takzet a, an tournament khelh tur hrang hrangah hlawhtlinna sangber chang turin duhsakna sangber a hlan bawk a ni.